As avaliacións previas serven de base para preparar os plans e documentos de programación nos cales se integran. Son responsabilidade do Estado membro. As avaliacións intermedias, realizadas a metade do período de programación, son fundamentais para valorar a marcha dos programas e, se é o caso, establecer as reprogramacións e modificacións nos procedementos de xestión que se consideren oportunos –avalíanse tanto os marcos comunitarios de apoio coma todos os programas operativos e DOCUP en execución–. Finalmente, a avaliación posterior analiza a utilización dos fondos, a eficacia e a eficiencia das intervencións e o seu impacto.