A Secretaría Xeral de Fondos Europeos establece unha nova identidade visual para a comunicación e difusión dos fondos estruturais e de investimento en España. Co comezo do novo período de financiamento 2021-2027 lánzase a nova identidade de Fondos Europeos co obxectivo de aglutinar a imaxe dos fondos europeos en España por primeira vez. A iniciativa de unificar a imaxe dos distintos fondos xorde das recomendacións de comunicación que transmite a Comisión Europea ás autoridades de xestión. Os responsables de comunicación de fondos europeos de todas as administracións e entidades dispoñen do Manual de Identidade Visual e dos logos a utilizar para manter unha consistencia e coherencia en todas as comunicacións.